Jens Arne Gill Dolmen har cerebral parese og slit med å opne flaskekorkar. Slik oppsto ideen om ein enklare opnar.
Jens Arne har ofte bedt om hjelp for å få av korken på mjølkekartongar og brusflasker. Det er han ikkje aleine om. Mange er veike i klypa og må ha hjelp.
Men CP-råka Jens Arne ville helst klare det sjølv. Slik fekk han ein idé til ei enkel løysing, fortel NRK Telemark.
Opnaren gjer det enklare å opna både mjølkekartongar og brusflasker. (Bilde frå NRK)
Frå Innovasjon Norge fekk han 225 000 kroner i støtte, og med seg på laget fekk han Høgskolen Sørøst-Norge. No har han utvikla ei prototype som er støypt i plast i 3D-printaren på høgskulen.
Ved help av spor i korken, kan ein bruke plast-stonga som ein skiftenøkkel. Den ekstra lengda gjer det mykje enklare å opne korken.
Kjelde: NRK Telemark