Vuonan årru badjelasj 11 000 máná ja nuora biebbmosijdajn. Ienep gå neljadisoasse sijájs årru juogu de berrahij lunna jali iehtjádij lunna gejt mánná åvdutjis dåbddå. Máná ja nuora gudi ådå årromsajev dárbahi álu sihti jåhtet náginij lusi gejt åvdutjis dåbddi. Mierreduvvam la mánájsuodjalusdievnastus suohkanin galggá agev árvustallat jus aktak máná ietjasa fuolkes jali værmádagán máhttá biebbmosijddan válljiduvvat. Familljaráde la barggamvuohke majt álu adná gå galggá biebbmosijdajt åttjudit. Oanegattjat javladum la familljaráde mánájsuodjalusá bieles buoragit gárvedum tjåhkanibme, gånnå famillja sæbrrá gå galggá ájnas ássjijt mierredit. Mánná jali nuorra dábálattjat sæbrrá, danen gå suv birra la ham sáhka! Máhtá låhkåt ienebut gåktu familljaráde tjadáduvvá juogu sierra girjátjin jali dáppe: bufdir.no/barnevern/tiltak_i_barnevernet/familierad
9 s., utgitt av Barne-, ungdoms- og familiedirektoratet i 2018.